(ஃபாஸ்ட் நியூஸ் | கொழும்பு) – 2021ம் ஆண்டுக்கான வரவு – செலவுத் திட்டத்தின் 2 ஆம் வாசிப்பு மீதான வாக்கெடுப்பு இன்று மாலை 5 மணியளவில் நடத்தப்படவுள்ளது.
2021 ஆம் ஆண்டுக்கான வரவு – செலவுத் திட்ட யோசனைகள் நிதியமைச்சர் என்ற வகையில் பிரதமர் மஹிந்த ராஜபக்ஷவினால் கடந்த செவ்வாய்க்கிழமை பாராளுமன்றில் முன்வைக்கப்பட்டது.
இதனையடுத்து கடந்த புதன் கிழமை முதல் வரவு – செலவுத் திட்ட 2 ஆம் வாசிப்பு மீதான விவாதம் இடம்பெற்று வருகிறது.
அத்துடன் வரவு – செலவுத் திட்டத்தின் மீதான குழுநிலை விவாதம் எதிர்வரும் திங்கட்கிழமை முதல் டிசம்பர் 10 ஆம் திகதி வரை இடம்பெறவுள்ளது.
வரவு – செலவுத் திட்டத்தின் 3 ஆம் வாசிப்பு மீதான வாக்கெடுப்பு அடுத்த மாதம் 10 ஆம் திகதி நடைபெறும்.
