(ஃபாஸ்ட் நியூஸ் | கம்பஹா) – உடன் அமுலுக்கு வரும் வகையில் கம்பஹா மாவட்டத்தில் மேலும் 14 பொலிஸ் பிரிவிற்குட்பட்ட பகுதிகளுக்கு மறு அறிவித்தல் வரை ஊரடங்கு உத்தரவு பிறப்பிக்கப்பட்டுள்ளதாக இராணுவத் தளபதி லெப்டினட் ஜெனரால் சவேந்திர சில்வா தெரிவித்துள்ளார்.
அதன்படி, கம்பஹா, கிரிந்திவேல, தொம்பே , பூகோட , கணேமுல்ல, வீரகுல , வெலிவேரிய, மல்வதுஹிரிபிட்டிய, நிட்டம்புவ , மீரிகம, பல்லேவெல , யக்கல , ஜா-எல மற்றும் கந்தானை பொலிஸ் அதிகாரத்திற்குட்பட்ட பகுதிகளுக்கு உடன் அமுலுக்கு வரும் வகையில் பொலிஸ் ஊரடங்கு உத்தரவு அமல்படுத்தப்பட்டுள்ளது.
திவுலபிட்டிய, மினுவங்கொட மற்றும் வெயங்கொட பொலிஸ் அதிகாரத்திற்குட்பட்ட பகுதிகளுக்கு தொடர்ந்து ஊடரங்கு சட்டம் அமுலில் இருப்பதாக தெரிவிக்கப்படுகின்றது.
