பங்களாதேஷ் அணிக்கு எதிரான மூன்றாவதும் இறுதியுமான ஒரு நாள் சர்வதேச கிரிக்கெட் போட்டி, டுனெடினில் இடம்பெற்ற நிலையில், நியூசிலாந்து அணி 88 ஓட்டங்களால் வெற்றி பெற்று தொடரை 3:0 என்ற கணக்கில் முழுமையாக கைப்பற்றியது.
போட்டியில் நாணய சூழற்சியில் வெற்றி பெற்ற பங்களாதேஷ் அணி முதலில் களத்தடுப்பை தேர்வு செய்ய, முதலில் துடுப்பாடிய நியூசிலாந்து அணி 50 ஓவர்கள் நிறைவில் 6 விக்கட்டுக்களை இழந்து 330 ஓட்டங்களை பெற்றுள்ளது.
இதனையடுத்து 331 என்ற தமது வெற்றி இலக்கை நோக்கி துடுப்பாடிய பங்களாதேஷ் அணி 47.2 ஓவர்கள் நிறைவில் சகல விக்கட்டுக்களையும் இழந்து 242 ஓட்டங்களை மாத்திரமே பெற்று தோல்வியை தழுவியது.
