ஜேம்ஸ் கேமரூன் இயக்கத்தில் உருவாகும் `அவதார்’ படத்தின் அடுத்த பாகங்களில் நடிக்க `டைட்டானிக்’ படத்தில் நடித்து ரசிகர்களை கவர்ந்த கேட் வின்ஸ்லெட் ஒப்பந்தமாகி இருக்கிறார்.
கடந்த 2009-ம் ஆண்டு வெளியாகி பிரம்மாண்ட வசூலைக் குவித்த ‘அவதார்’ படத்தின் அடுத்தடுத்த பாகங்களை இயக்குவதற்கான பணிகளில் இயக்குநர் ஜேம்ஸ் கேமரூன் தீவரமாக ஈடுபட்டு வருகிறார்.
இந்நிலையில், 2020 ஆம் ஆண்டு அவதார் படத்தின் அடுத்த பாகமாக ‘அவதார்-2′ வெளியாக இருக்கிறது. அதனைத் தொடர்ந்து அவதார் படத்தின் அடுத்தடுத்த பாகங்கள் வெளியாகும் என்றும் அறிவிக்கப்பட்டுள்ளது. அதற்கான திட்டங்களும் தயார் செய்யப்பட்டுள்ளதுடன், படம் வெளியாகும் திகதியும் அறிவிக்கப்பட்டுள்ளது.
மேலும் `அவதார்’ படத்தின் அடுத்தடுத்த பாகங்கள் (`அவதார்’ உலகம்) தண்ணீருக்கு அடியில் எடுக்கப்படுகின்றன.
ஏற்கனவே அவதார் படத்தில் சாம் வொர்த்திங்டன், ஃஜோ சால்டனா, ஜோயல் டேவிட் மூர், சிகோர்னி வேவர், சிசிஎச் பவுண்டர், ஸ்டீபன் லாங், கிளிஃப் கர்ட்டிஸ் என பலரும் இருக்கும் நிலையில், `டைட்டானிக்’ படத்தின் மூலம் உலக ரசிகர்களின் உள்ளத்தின் கவர்ந்த கேட் வின்ஸ்லெட் `அவதார்’ படத்தின் அடுத்தடுத்த பாகங்களில் நடிக்க ஒப்பந்தமாகி இருக்கிறார்.
20 வருடங்களுக்குப் பிறகு ஜேம்ஸ் கேமரூன் இயக்கத்தில் கேட் வின்ஸ்லெட் நடிக்க இருக்கிறார் என்பதும் குறிப்பிடத்தக்கது.
