ஜப்பானில் இருந்து இலங்கைக்கு இறக்குமதி செய்யப்படும் வாகனங்களின் விலைகள் அதிகரிக்கப்பட்டுள்ளதாக தெரிவிக்கப்பட்டுள்ளது.
இதற்கமைய ஜப்பானில் இருந்து இறக்குமதி செய்யப்படும், வாகனம் ஒன்றின் விலை சுமார் 2 லட்சம் ரூபாவால் அதிகரிக்கப்பட்டுள்ளது.
ஜப்பான் யென்னின் பெறுமதி விகிதம் அதிகரித்தமையே இதற்கான காரணம் என வாகன இறக்குமதியாளர்கள் தெரிவித்துள்ளனர்.
எனினும், நாட்டுக்கு தற்போது இறக்குமதி செய்யப்பட்டுள்ள வாகனங்களுக்கான விலையில் எவ்விதமான மாற்றங்களும் இல்லை என வாகன இறக்குமதியாளர்கள் மேலும் குறிப்பிட்டுள்ளனர்.
