வங்காளியினை தோற்கடித்து ஆப்கானிஸ்தான் முன்னிலையில்..

ஆப்கானிஸ்தான் அணி வங்காளதேச அணியை 1-1 என்ற கணக்கில் சமனுக்கு கொண்டு வந்தது. தொடர் யாருக்கு என்பதை நிர்ணயிக்கும் கடைசி ஒரு நாள் போட்டி நாளை மறுதினம் நடக்கிறது.

வங்காளதேசத்துக்கு சென்றுள்ள ஆப்கானிஸ்தான் கிரிக்கெட் அணி 3 போட்டி கொண்ட ஒரு நாள் தொடரில் பங்கேற்றுள்ளது. இதன் 2-வது ஆட்டம் மிர்புரில் நேற்று(28) நடந்தது.

முதலில் துடுப்பாடிய வங்காளதேசம் 49.2 ஓவர்களில் 208 ரன்கள் எடுத்து ஆல்-அவுட் ஆனது. அறிமுக வீரர் மோசடெக் ஹூசைன் 45 ரன்களும் (4 பவுண்டரி, 2 சிக்சர்), முஷ்பிகுர் ரஹிம் 38 ரன்களும் எடுத்தனர்.

அடுத்து களம் இறங்கிய ஆப்கானிஸ்தான் அணி 49.4 ஓவர்களில் 8 விக்கெட்டுக்கு 212 ரன்கள் சேர்த்து 2 விக்கெட் வித்தியாத்தில் திரில் வெற்றியை பெற்றதுடன், தொடரையும் 1-1 என்ற கணக்கில் சமனுக்கு கொண்டு வந்தது.

கெப்டன் அஸ்கார் ஸ்டானிக்ஜாய் 57 ரன்களும், முகமது நபி 49 ரன்களும் விளாசி வெற்றிக்கு வழிவகுத்தனர். தொடர் யாருக்கு என்பதை நிர்ணயிக்கும் கடைசி ஒரு நாள் போட்டி நாளை மறுதினம்(01) நடக்கிறது.