வெள்ளத்தினால் பாதிக்கப்பட்டுள்ள வெல்லம்பிட்டிய மக்களின் சுகாதார நலனினை கருத்திற் கொண்டு சித்த ஆயுர் வேதத்தின் மற்றுமொரு சேவை மனப்பாங்குடன் சிலாபம் சித்தாரா வைத்தியசாலை மற்றும் உலக இஸ்லாமிய வானொலியான செரெண்டிப் அலைவரிசையின் ஊடக அனுசரணையுடன் வெல்லம்பிட்டிய – கொய்லவத்த அல்- இப்ராஹீமியா ஜும்மா பள்ளிவாயல் இணைந்து நடாத்தும் ஒரு நாள் இலவச மருத்துவ முகாம் இன்று (09) காலை முதல் ஒரு நாள் சேவையாக இடம்பெறுகின்றது.
வைத்திய துறையில் பல சேவைகளை முன்னெடுத்து வருகின்ற குறித்த சிலாபம் சித்தாரா வைத்தியசாலையின் குறித்த பணியானது பொது மக்கள் மத்தியில் இன மத பேதமின்றி கருசணையுடன் மக்களின் சுகாதார நலன் குறித்து சமூக நோக்கோடு நடாத்தப்படுகின்றமையும் இங்கு குறிப்பிடத்தக்கது.
