(ஃபாஸ்ட் நியூஸ் | ஜெரூசலம்) – ஜெருசலமில் பாலஸ்தீனியர்களுக்கும், இஸ்ரேலிய பொலிஸாருக்கும் இடையே சனிக்கிழமை வெடித்த புதிய மோதல்களின் விளைவாக 100 க்கும் மேற்பட்டவர்கள் காயமடைந்துள்ளனர்.
பழைய நகரான டமாஸ்கஸ் கேட்டில் எதிர்ப்பாளர்கள் காவல்துறையினர் மீது கற்களை வீசினர், அதிகாரிகள் கையெறி குண்டுகள், இறப்பர் தோட்டாக்கள் மற்றும் நீர் பீரங்கி மூலம் பதிலளித்துள்ளனர்.
யூதக் குடியேற்றவாசிகளால் உரிமை கோரப்பட்ட நிலத்திலிருந்து பாலஸ்தீனியர்களை வெளியேற்றுவதற்கான அமைதியின்மையாக இது தொடர்கிறது.
அல்-அக்ஸா மசூதி அருகே வெள்ளிக்கிழமை ஏற்பட்ட மோதலில் 200 க்கும் மேற்பட்ட பாலஸ்தீனியர்கள் மற்றும் குறைந்தது 17 இஸ்ரேலிய பொலிஸார் காயமடைந்ததாக அவசரகால தொழிலாளர்கள் மற்றும் பொலிஸார் தெரிவித்தனர்.
ஜெருசலேமின் அல்-அக்ஸா மசூதி வளாகம் இஸ்லாத்தின் மிகவும் மதிக்கப்படும் தளங்களில் ஒன்றாகும், ஆனால் அதன் இருப்பிடம் யூத மதத்தின் புனிதமான தளமாகும். இந்த வளாகம் வன்முறைகளால் அடிக்கடி பாதிக்கப்படுகிறது.
முஸ்லிம்களின் புனித ரமலான் மாதம் முழுவதும் நகரத்திலும், ஆக்கிரமிக்கப்பட்ட மேற்குக் கரையிலும், காசாவிலும் பதற்றங்கள் அதிகரித்துள்ளன
