நிதி மோசடி தொடர்பில் கைது செய்யப்பட்டுள்ள சிசிலியா கொத்தலாவல தேசிய வைத்தியசாலையிலிருந்து சிறைச்சாலை வைத்தியசாலைக்கு மாற்றப்பட்டதற்கான காரணத்தை தனக்கு சமர்ப்பிக்குமாறு கொழும்பு கோட்டை நீதவான் தேசிய வைத்தியசாலையின் பணிப்பாளருக்கு உத்தரவு பிறப்பித்துள்ளார்.
தனியார் வைத்தியசாலையொன்றில் சேர்க்கப்பட்டிருந்த சிசிலியா கொத்தலாவலவை தேசிய வைத்தியசாலைக்கு மாற்றுமாறு கொழும்பு கோட்டை நீதவான் கடந்த 9ஆம் திகதி உத்தரவிட்டிருந்தார்.
அந்த உத்தரவின் கீழ் தேசிய வைத்தியசாலைக்கு மாற்றப்பட்டவர். 24 மணித்தியாலங்களில் அங்கிருந்து சிறைச்சாலை வைத்தியசாலைக்கு மாற்றப்பட்டார்.
இது நீதிமன்றத்தின் உத்தரவை மீறும் செயல் என சிசிலியாவின் சட்டத்தரணிகள் சுட்டிக்காட்டியதையடுத்து சிசிலியா அவ்வாறு மாற்றப்பட்டதற்கான காரணத்தை தனக்கு சமர்ப்பிக்குமாறு தேசிய வைத்தியசாலையின் பணிப்பாளருக்கு உத்தரவு பிறப்பிக்கப்பட்டுள்ளது.
