ஐக்கிய தேசிய கட்சியின் 72வது வருடப்பூர்த்தி இன்றாகும்.
இந்நிலையில், பிரதமரும் கட்சித் தலைவருமான ரணில் விக்ரமசிங்கவின் தலைமையில், கட்சித் தலைமையகமான சிறிகொத்தாவில் விசேட நிகழ்வுகள் ஒழுங்கு செய்யப்பட்டுள்ளன.
1946ம் ஆண்டு செப்டம்பர் மாதம் 6 ஆம் திகதி முன்னாள் பிரதமர் டி.எஸ். சேனாநாயக்கவின் தலைமையில் ஐக்கிய தேசிய கட்சி உருவாக்கப்பட்டது.
1948ம் ஆண்டு நாட்டின் முதலாவது பிரதமராக அவர் தெரிவு செய்யப்பட்டார்.
தற்போது பிரதமர் ரணில்விக்ரமசிங்கவின் தலைமையில் ஐக்கிய தேசிய கட்சி இயங்கி வருகின்றமை குறிப்பிடத்தக்கது.
