(ஃபாஸ்ட் நியூஸ் | கொழும்பு) – நாட்டில் அதிகரித்து வரும் எரிசக்தி தேவையை கருத்தில் கொண்டு ரஷ்யா, இலங்கையில் அணு மின் நிலையத்தை (Nuclear Power Plant – NPP) உருவாக்க முடியும் என இலங்கைக்கான ரஷ்ய தூதுவர் யூரி மெட்டேரி (Yury Materiy), ஸ்பூட்னிக் (Sputnik) இற்கு அளித்த பேட்டியில் தெரிவித்துள்ளார்.
இலங்கை அரசாங்கம் மாசு இல்லாத எரிசக்திக்கு ஆதரவளிப்பதால், நிலக்கரி மற்றும் எண்ணெயை படிப்படியாக எரிவாயு மற்றும் மாற்று எரிசக்தி ஆதாரங்களுடன் மாற்றுவதை நோக்கமாகக் கொண்டிருப்பதால், அணுசக்தியைப் பயன்படுத்துவது நீண்ட கால நோக்கில் மட்டுமே சாத்தியமாகும், அதே நேரத்தில் பொருத்தமான முயற்சிகள் ஏற்கனவே மேற்கொள்ளப்பட்டுள்ளன, எனவும் தூதர் தெரிவித்துள்ளார்.
அணுசக்தியின் அமைதியான பயன்பாட்டிற்கு ஒத்துழைப்பது தொடர்பான ரஷ்யா ஆரம்பித்த இடை-அரசு ஒப்பந்தம் குறித்த முதல் ஆலோசனைகளை ரஷ்யாவின் அணுசக்தி நிறுவனமான ரோசாட்டோம் (Rosatom) மற்றும் தொடர்புடைய இலங்கை அமைப்புகள் 2017 இல் நடத்தியதை அவர் நினைவு கூர்ந்திருந்தமையும் குறிப்பிடத்தக்கது.
