இங்கிலாந்தை வீழ்த்தி அரையிறுதிக்குள் சென்ற அவுஸ்திரேலியா

(FASTNEWS|COLOMBO) – உலகக் கிண்ண கிரிக்கெட் தொடரில் இங்கிலாந்து – அவுஸ்திரேலியா அணிகளுக்கு இடையிலான 32-வது லீக் போட்டியில் அவுஸ்திரேலியா அணி 64 ஓட்டங்கள் வித்தியாசத்தில் இங்கிலாந்தை வீழ்த்தி அபார வெற்றி பெற்றது.

இப் போட்டியில் நாணய சுழற்சியில் வெற்றிபெற்ற இங்கிலாந்து அணி களத்தடுப்பை தேர்வுசெய்ய அவுஸ்திரேலிய அணி முதலில் துடுப்பெடுத்தாடி நிர்ணயிக்கப்பட்ட 50 ஓவர்கள் முடிவில் 7 விக்கெட்டுக்களை இழந்து 285 ஓட்டங்களை குவித்தது.

286 என்ற வெற்றியிலக்கை நோக்கி துடுப்பெடுத்தாட ஆரம்பித்த இங்கிலாந்து அணி இறுதியாக 44.4 ஓவரில் அனைத்து விக்கெட்டுக்களையும் இழந்து 221 ஓட்டங்களை மாத்திரம் பெற்று 64 ஓட்டத்தினால் தோல்வியைத் தழுவியது.